UBT: Qaraǵandy oblysyndaǵy eń joǵary - 137 ball

QARAǴANDY. QazAqparat – Qaraǵandy oblysynda birinshi tsıfrlyq UBT-nyń aralyq nátıjeleri shyǵaryldy, dep habarlaıdy QazAqparat tilshisi.

UBT 6 mamyr men 30 maýsym aralyǵynda «U-FUTURE» JShS úsh aımaqtyq ortalyǵynyń bazasynda offlaın rejıminde ótti. Qaýipsizdik, sanıtarlyq-epıdemıologııalyq talaptardyń saqtalýy jáne áleýmettik araqashyqtyq qamtamasyz etildi.

Oblystyq bilim basqarmasynyń aqparaty boıynsha 47 adamnan tyıym salynǵan zattar tabylyp, olardy ótkizýge tyıym salynǵan. Testileýdiń ózinde erejeni buzǵandyqtan 39 adam synyptardan shyǵaryldy - olardyń nátıjeleri joıyldy.

UBT-di eń jaqsy tapsyrǵan Qaraǵandy qalasynyń 61-mektebiniń túlegi Ádilsamat Abıtaev boldy. Ol 137 upaı jınady.

415 «Altyn belgi» ıegerleriniń ishinen 378-i testileýge qatysty, toǵyz túlek Nazarbaev Ýnıversıtetine UBT tapsyrmaı oqýǵa tústi.

Bıyl UBT nátıjelerin kútýdiń qajeti bolmady. Jınalǵan upaı sany birden ekranǵa shyǵaryldy. Test tapsyrýshy durys emes jaýaptary bar suraqtardy kórdi. Kelispeýshilikter týyndaǵan jaǵdaıda elektrondy túrde apellıatsııalyq shaǵym berýge múmkindik boldy.

UBT-diń sońǵy nátıjeleri 25 tamyzǵa deıin belgili bolady. Barlyq beıneler taldanady. Buzýshylyqtar anyqtalǵan jaǵdaıda nátıjeler joıylýy múmkin.