UBT-ǵa jaýapty tulǵalarǵa qatysty tártiptik sharalar qoldanyldy
ASTANA. 12 maýsym. QazAqparat - Bilim jáne ǵylym mınıstrliginiń baspasóz qyzmeti BAQ tarapynan kelip túsken Astana qalasy S.Seıfýllın atyndaǵy Qazaq agrotehnıkalyq ýnıversıtetinde UBT tapsyrýshylaryna kórsetilgen dórekilik týrasynda tómendegi aqparatty habarlaıdy.
Atalǵan fakti boıynsha Bilim jáne ǵylym mınıstrliginiń buıryǵymen mınıstrliktiń arnaıy komıssııasy qurylǵan bolatyn.
Qyzmettik tekseris barysynda Astana qalasyndaǵy S.Seıfýllın atyndaǵy Qazaq agrotehnıkalyq ýnıversıtetinde mektep túlekteriniń UBT-nyń birinshi legin tapsyrý kezinde Saryarqa aýdandyq polıtsııa qyzmetkerleriniń óz qyzmetin asyra paıdalanǵandyǵy anyqtaldy.
Sonymen qatar, komıssııa músheleri eger BǴM qyzmetkerleri tarapynan polıtsııa qyzmetkerleriniń óreskel áreketine tosqaýyl qoıylsa, mundaı oqıǵanyń oryn alýyna jol berilmeıtin edi degen uıǵarymǵa keldi.
Komıssııa jumysynyń nátıjesi boıynsha, 8 maýsym kúni UBT-nyń sapaly ótýine jaýapty tulǵalarǵa qatysty tártiptik sharalar qoldanyldy.S.Seıfýllın atyndaǵy Qazaq agrotehnıkalyq ýnıversıtetinde biryńǵaı ulttyq testileýdi ótkizýdi uıymdastyrý sharalaryn baqylaý jumysynyń álsireýine baılanysty vıtse-mınıstr M. Orynhanovqa eskertý jasalyp, Bilim jáne ǵylym salasyndaǵy baqylaý komıtetiniń tóraǵasy S.Yrsalıev pen QR BǴM «Ulttyq biryńǵaı testileý» ortalyǵynyń dırektory Q.Ábdıevke sógis jarııalandy. Oryn alǵan jaǵdaıǵa baılanysty ýaqytynda shara qoldanbaǵany úshin Qaz agroýnıversıteti janyndaǵy Ulttyq biryńǵaı testileý ortalyǵy fılıalynyń jetekshisi M. Toqyshev qyzmetinen bosatyldy.
«QR Bilim jine ǵylym mınıstrligi QR Іshki ister mınıstrliginiń basshylyǵyna UBT ótkizý barysynda ishki ister qyzmetkerleriniń óz qyzmet babyn asyra paıdalanǵandyǵy faktisi kórsetilgen hat joldady», delingen mınıstrlik málimetterinde.
