UBT-ǵa jańa ózgerister engiziledi

ASTANA. KAZINFORM – QR Ǵylym jáne joǵary bilim mınıstrligi Ulttyq biryńǵaı testileýge jańa ózgerister engiziledi.

Atap aıtsaq, erejelerge eki tarmaq qosyldy.

Qazaq tilin V1 (orta) deńgeıinen tómen emes deńgeıde meńgergenin rastaıtyn QAZTEST sertıfıkaty bar adamdar qalaýy boıynsha beıindik pándi nemese «Qazaq tili» UBT arnaıy pánin tapsyrýdan bosatylady. Buǵan qaramastan bilim berý granty konkýrsyna qatysa alady nemese baldardy aýdarý shkalasyna sáıkes aqyly negizde joǵary jáne joǵary oqý ornynan keıingi bilim berý uıymdaryna qabyldanady.

Sonymen qatar, Nazarbaev Zııatkerlik mektepteri derbes bilim berý uıymynyń bilim berý baǵdarlamalary boıynsha oqýdy aıaqtaǵan túlekterge UBT sertıfıkattary Nazarbaev Zııatkerlik mektepteri túlekteriniń oqý nátıjelerin syrttaı baǵalaý baldaryn UBT sertıfıkatynyń baldaryna aýystyrý arqyly beriledi.

Osylaısha, «NZM» DBBU túlekteriniń oqytý nátıjeleriniń syrtqy baǵasyn aıyrbastaý bóliginde jáne «Qazaq tili» beıindik pánderiniń biri retinde tańdaǵan qazaq tilin meńgergenin rastaıtyn QAZTEST sertıfıkaty bar adamdar úshin UBT baldaryn túsýshiniń qalaýy boıynsha jetildirý kózdelip otyr.

Qujat 15 sáýirge deıin keńinen talqylaý úshin «Ashyq NQA» saıtynda ornalastyrylǵan.