UBT-ǵa ótinish qabyldaý merzimi uzartyldy

NUR-SULTAN. QazAqparat - Elimizde Ulttyq biryǵaı test tapsyrýǵa ótinish qabyldaý merzimi uzartyldy. Bul jaıynda QR Bilim jáne ǵylym mınstri Ashat Aımaǵambetov málim etti, dep habarlaıdy QazAqparat tilshisi.

«Memleket basshysy Qasym-Jomart Kemeluly Toqaev Qazaqstan halqyna úndeý jarııalady. Kontrterrorısttik operatsııalar jalǵasýda, degenmen qazirgi ýaqytta barlyq óńirlerde tártip ornyqty. Der kezinde engizilgen tótenshe jaǵdaı oń áserin tıgizdi. Osyǵan deıin biz qabyldaǵan sharalar jaıynda habarladyq: mektep oqýshylaryna kanıkýl 17 qańtarǵa deıin jáne stýdentterge 24 qańtarǵa deıin uzartyldy. Qańtarda ótkiziletin UBT-ǵa ótinishterdi qabyldaý 21 qańtarǵa deıin júrgiziledi. Bunyń aldynda ótinishterdi qabyldaý 24 jeltoqsan jáne 5 qańtar aralyǵynda josparlanǵan bolatyn. 10 qańtar men 10 aqpan aralyǵynda josparlanǵan UBT ótkizý ýaqyty da ózgertilip, 25 qańtar men 22 aqpan aralyǵynda ótkiziletin bolady. Búgingi kezde 100 myńǵa jýyq úmitkerler óz qujattaryn tapsyrdy», - dep jazdy mınıstr paraqshasynda.

Onyń etap ótýinshe, mınıstrlik magıstratýra men doktorantýraǵa qujattardy tapsyrý jáne qabyldaý merzimin 24 qańtarǵa deıin uzartýdy sheshti. Ekinshi qabyldaý naýqany kezinde myńnan asa qazaqstandyq grant ıegeri atandy.

«Osyndaı kúrdeli jaǵdaıda júzege asyrylyp jatqan sharalardy qoldap, bárimiz Qazaqstan Respýblıkasynyń Prezıdentin qoldaýymyz qerek», - dedi Ashat Aımaǵambetov.