«UBT-ǵa kómektesemin»: Pavlodarda alaıaqtyqpen 1 mln teńge alǵan kúdikti ustaldy
PAVLODAR. KAZINFORM – Pavlodarda UBT-ǵa kómektesemin dep 1 mln teńge alǵan burynǵy muǵalim ustaldy.
Polisia.kz portalynyń málimetinshe, jábirlenýshi polıtsııa kómegine júginip, Pavlodar qalasyndaǵy mektepterdiń birinde buryn muǵalim bolyp jumys istegen azamattyń UBT-ny tapsyrýǵa kómek kórsetemin degen jeleýmen 1 mln teńge kóleminde aqsha alǵanyn habarlaǵan.
Atalǵan derek boıynsha sotqa deıingi tergep-tekserý bastaldy. Qazirgi ýaqytta kúdiktiniń óńir aýmaǵynda osyǵan uqsas ózge de qylmystarǵa qatystylyǵy tekserilip jatyr.
Polıtsııa azamattarǵa eger osyndaı alaıaqtyq áreketterdiń qurbany bolsa, birden quqyq qorǵaý organdaryna júginýdi eskertedi.
Aıta keteıik, bıylǵy jyldyń basynan beri Pavlodar oblysynda 1 872 kıberqylmys tirkelgen.
Buǵan deıin polıtsııa alaıaqtyqtyń jańa túri týraly eskertkenin jazǵan edik.