UBT-ǵa Qazaqstan tarıhy páni boıynsha táýelsiz saraptama júrgizildi - Q. Ábdıev
ASTANA. 31 mamyr. QazAqparat - Aǵymdaǵy jyly UBT-nyń 20900 test tapsyrmasy qurastyryldy.
Bul týraly búgin Astanada ótken brıfıngte QR Bilim jáne ǵylym mınıstrligi «Ulttyq testileý ortalyǵy» RMQK dırektory Qalı Ábdıev málim etti.
«2020 jylǵa deıin bilim berýdi damytýdyń memlekettik baǵdarlamasyna jáne jyl saıyn testileý barysyn jetildirýdiń tájirıbesine sáıkes bıyl 20900 test tapsyrmasy qurastyryldy. Sonymen qatar bazada ár nusqaǵa 1 tapsyrmadan engiziletin matematıka páni boıynsha qurastyrylǵan 3000 logıkalyq sıpattaǵy tapsyrma bar»,-dedi Q. Ábdıev.
Onyń sózine qaraǵanda, QR Bilim jáne ǵylym mınıstrliginiń Memleket tarıhy ınstıtýty Qazaqstan tarıhy páni boıynsha qurastyrylǵan test tapsyrmalaryna táýelsiz saraptama júrgizdi.
Testileýdi shynaıy jáne uıymdastyrylǵan túrde ótkizý maqsatynda UBT pýnkterine arnaıy daıyndyqtan ótken mınıstrliktiń 1500 ókili jumyldyrylmaq.
Esterińizge sala keteıik, bıylǵy UBT 3-15 maýsym aralyǵynda ótedi.
