UBT-ǵa daıyndyq QR Prezıdenti Ákimshiligi men Premer-Mınıstr keńsesinde baqylaýǵa alyndy
ASTANA. QazAqparat - UBT-ǵa daıyndyq QR Prezıdenti Ákimshiligi men QR Premer-Mınıstirdiń keńsesinde baqylaýǵa alynǵan. Bul týraly QR Bilim jáne ǵylym mınıstrliginiń málimetinde habarlandy.
Atap aıtqanda, 2015 jyldyń 2-8 maýsym aralyǵynda Qazaqstanda Ulttyq biryńǵaı testileý ótkiziledi. QR Bilim jáne ǵylym mınıstrligi múddeli memlekettik organdarmen, jergilikti atqarýshy organdarmen jáne memlekettik komıssııamen UBT bolatyn jerlerdi saralap) emtıhandy tapsyrý úshin barlyq ońtaıly jaǵdaıdy jasaý ústinde. UBT-ny uıymdastyrý Mınıstrliktiń aptalyq aparattyq jınalysynda qarastyrylady.
Biryńǵaı talaptardy oryndaýdy qamtamasyz etý men testileý kezinde bolatyn daýly máselelerdi sheshý, sondaı-aq UBT ótetin ýaqyt aralyǵynda qatysýshylardyń quqyqtaryn qorǵaý boıynsha, barlyq UBT ótetin beketterde appelıatsııalyq suraqtardy qarastyratyn respýblıkalyq komıssııa men appelıatsııalyq komıssııa jasaqtalýda. Oblys ortalyqtary men Astana jáne Almaty qalalarynda UBT barysynda kelip túsken túlekter men ata-analardyń shaǵymdaryna jedel túrde jaýap berý maqsatynda UBT ótkizý boıynsha úılestirý shtabyn ornatady. QR BǴM janynda Respýblıkalyq shtab óz jumysyn atqaratyn bolady.
Aıta keteıik, UBT-ǵa 87 782 oqýshylar ótinish bergen, ıaǵnı jalpy túlekter sanynyń 71 paıyzyn quraıdy, Olardyń ishinde qazaq tilinde oqıtyndar - 62 384, orys tilinde - 25 398 túlek.
