UBT-ǵa daıyndaıtyn ortalyqtardyń jumysyna taldaý júrgiziledi
Bul týraly Memlekettik qyzmet isteri jáne sybaılas jemqorlyqqa qarsy is-qımyl agenttigi Jemqorlyqqa qarsy saıasat departamentiniń dırektory Danııar Sabyrbaev málimdedi.
"Astana - adaldyq alańy" jobalyq keńsesiniń bilim berý baǵyty aıasynda joǵary synyp oqýshylaryn UBT-ǵa, kolledj túlekterin - keshendi testileýge daıyndaý protsesindegi jemqorlyqtyń aldyn alý jumystary júrgiziledi. Ótken jyly QR kolledjderindegi memlekettik grantty bólý sapasy týraly tolassyz aqparat kelip tústi", - dedi Danııar Sabyrbaev Astanada ótken baspasóz máslıhatynda.
D. Sabyrbaev QR Bilim jáne ǵylym mınıstrliginiń bıyl talapkerlerdiń kolledjge túsýi men granttardy bólý formatyn ózgertý qajettigin aıtty.
"Óıtkeni bizge kóptegen suraqtar qoıylady jáne mınıstrlik bizdiń sózimizdi maquldap otyr. Bıyl kolledjderge túsý tártibi túbegeıli ózgeredi dep úmittenemiz. UBT boıynsha da sheshilmegen máseleler bar. Osyǵan baılanysty jobalyq keńse joǵary synyp oqýshylaryn testileýge daıyndaıtyn "Dostyq", "Lıder" ortalyqtarynyń jumysyna taldaý júrgizedi. Bul ortalyqtarda daıyndalǵan túlekterdiń testileýde joǵary ball jınaýy sáıkestik pe, sony muqııat tekserý qajet", - dedi ol.