UBT-ǵa daıyndaımyn dep aldaǵan kúdikti Albanııadan Qazaqstanǵa jetkizildi
ASTANA. KAZINFORM – Bas prokýratýra men Іshki ister mınıstrliginiń Interpol Ulttyq ortalyq bıýrosynyń qyzmetkerleri, Qazaqstannyń Albanııadaǵy Elshiliginiń qoldaýymen birneshe ret alaıaqtyq jasaǵan Qazaqstan azamatyn qylmystyq jaýapkershilikke tartý maqsatynda atalǵan elden ekstradıtsııalady.
2022-2023 jyldar aralyǵynda kúdikti ınternet-resýrstardy paıdalana otyryp, joǵarǵy synyp oqýshylaryn Ulttyq biryńǵaı testileýge daıyndaý jáne joǵarǵy oqý oryndaryna kepildi túrde túsý boıynsha qyzmetter kórsetý týraly kórineý jalǵan málimetter taratqan.
— Zańsyz áreketiniń saldarynan 32 azamat jalpy somasy 28 mıllıon teńgeden astam aqshalaı qarajatynan aıyryldy.
Qylmys jasaǵannan keıin kúdikti jasyrynyp, oǵan halyqaralyq izdeý jarııalanǵan.
2025 jyldyń mamyr aıynda ol Albanııa Respýblıkasynda ustalyp, Qazaqstan Bas prokýratýrasynyń suraý salýy boıynsha elge ekstradıtsııalandy, — delingen Bas prokýratýra habarlamasynda.
Qazirgi ýaqytta kúdikti tergeý ızolıatoryna qamaýǵa alyndy.
Aıyptalǵan qylmysty jasaǵany úshin múlki tárkilenip, 3 jyldan 10 jylǵa deıingi merzimge bas bostandyǵynan aıyrý jazasy qarastyrylǵan.
Aıta ketelik ransulttyq qylmystyq topty basqarǵan kúdikti Polshadan ekstradıtsııalanǵan edi.
