UBT derekterin satyp alý múmkin emes -BǴM
Ortalyq kommýnıkatsııalar qyzmetinde UBT-nyń alǵashqy kúngi qorytyndylaryn jarııalaǵan QR BǴM joǵary oqý ornynan keıingi bilim berý departamentiniń dırektory Ádilet Toıbaev zańsyz quraldar alyp kirgen túlektiń eshbiri zaldan shyǵarylmaǵanyn aıtady.
«Bizdiń maqsatymyz zań buzǵan túlekterdi jazalaýdy kózdemeıdi. Alǵashqy kúnniń ózinde zańbuzýshylyqtar boldy. Shpargalka, uıaly telefon alyp kirmek bolǵandar ustaldy. Ondaı túlekterdi shyǵaryp jiberý oqıǵasy tirkelgen joq. Bar bolǵany, qolyndaǵy zańsyz «kómekshisin» tárkilep otyrdyq. Degenmen, zańbuzýshylyqtar sany byltyrǵa qaraǵanda az», - deıdi Ádilet Toıbaev.
Sondaı-aq, ol shektik ball jınaı almaǵan túlekterge taǵy da múmkindik beriletinin eske saldy.
«Ótpeı qalǵandar sany byltyr deńgeıde deýge bolady. ıAǵnı, 24,5 paıyz Olar endi tamyz aıynda qaıta baqtaryn synaıdy», - degen mınıstrlik ókili ata-analarǵa test derekterin satýǵa baǵyttalǵan jarnamalarǵa senbeý kerektigin eskertti.
«Áleýmettik jelide UBT-ǵa qatysty keleńsiz derekter men dálelder taraǵanyn bilesizder. Onyń kóbi boıynsha quqyq qorǵaý oryndaryna usynymdar berdik. UBT derekteri memlekettik qupııa deńgeıinde saqtalatyndyqtan, ony satyp alý múmkin emes. Sondyqtan da ata-analardy bógde adamdar usynǵan «kómekterge» saq qaraýǵa shaqyramyz», - dedi ol.
