UBT-dan «joly bolmaǵan qyzǵa» Túrkııa akademııasynyń grantyn usynýdyń artynda jarnama tur - BǴM
ASTANA. QazAqparat - Ulttyq biryńǵaı testileý barysynda «joly bolmaǵan qyzǵa» Túrkııa akadmııasynyń grantyn usynýdyń artynda jarnama tur.
Búgin QR Prezıdenti janyndaǵy Ortalyq kommýnıkatsııalar qyzmetinde ótken baspasóz máslıhatynda Bilim jáne ǵylym mınıstrliginiń Bilim berý men ǵylym salasyn qadaǵalaý komıtetiniń tóraǵasy Saıat Núsipov osyndaı pikir bildirdi.
Esterińizge sala keteıik, buǵan deıin UBT tapsyrý kezinde qyz balasha kıingen QBTÝ stýdenti ustalyp, keıin bul qazaqstandyq qoǵam arasynda ǵana emes, shet elderde de úlken áńgimege ulasqan edi. Álgi qyz bıylǵy UBT-ǵa jiberilmedi. Al osy oqıǵanyń mán-jaıyna qanyqqan Túrkııadaǵy Antalııa Týrızm akademııasynyń rektory álgi joly bolmaǵan qyzǵa óziniń oqý ordasynan grantyn usynatanyn BAQ arqyly jarııalaǵan bolatyn.
«Shyndyǵynda, bul UBT barysyndaǵy meılinshe bir qyzyq oqıǵa boldy, bárimizdiń, Bilim jáne ǵylym mınıstrliginiń nazaryn ózine aýdardy. Al endi ol qyzǵa grant beretin máselege kelsek, men árbir oqý oryny qandaı da bir oqýshyǵa grant berýge quqyǵy bar dep oılaımyn. Túrkııa akademııasynyń da óz quqyǵy bar. Ekinshi jaǵynan, nege olar bundaı qadamǵa bardy degenge kelsek, meniń oıymsha, jurtshylyq jappaı qyzyǵýshylyq tanytyp jatqanda bundaı shýly oqıǵa arqyly jaǵymdy jarnama jasaý árkimniń nazaryn ózine burady. Osy oqıǵanyń arqasynda akademııa óz oqý ornyna jarnama jasaǵysy kelgen de shyǵar. Bireýlerde qyzyǵýshylyq paıda bola bastaıdy. Men buǵan qalypty qubylys retinde qaraımyn», - dedi S. Núsipov.
«Árıne, bulaı bolyp jatsa, biz ol qyz úshin qýanyshtymyz. Kemshiliksiz adam bolmaıdy. Ol qyz óziniń ornyna jas jigit qatysatynyn bildi. Endeshe, bundaı oqıǵany bizdiń mınıstrlik jaǵymsyzdyqpen qabyldaıdy. Ekinshi jaǵynan ol qyz áli jas, mundaı qadamǵa ne úshin barǵany da túsiniksiz. Sondyqtan da, mınıstrlik oǵan tek jaqsylyq tileıdi», - dedi ol.
