UBT-dan joǵary ball alǵan talapkerler qaı ýnıversıtetterdi tańdaıdy

ASTANA. QazAqparat – Qazaqstanda UBT-dan eń joǵary ball jınaǵan talapkerlerdiń qaı ýnıversıtetterdi tańdaıtyny anyqtaldy, dep habarlaıdy QazAqparat tilshisi.

Bul týraly «Atameken» ulttyq kásipkerler palatasy ázirlegen Qazaqstan JOO-larynyń 2022 jylǵy reıtınginde jazylǵan.

«UBT-dan joǵary ball jınaǵan talapkerler eń kóp baratyn joǵary oqý oryndary kelesideı: Qazaqstan-Brıtan tehnıkalyq ýnıversıteti (104 ball), Astana medıtsına ýnıversıteti (101 ball), S.D.Asfendııarov atyndaǵy Qazaq ulttyq medıtsına ýnıversıteti (94 ball)», - dedi «Atameken» UKP basqarýshy dırektory Azamat Beısenbenov Ortalyq kommýnıkatsııalar qyzmetinde ótken baspasóz máslıhatynda.

Kerisinshe, myna JOO stýdentteriniń UBT-dan jınaǵan ortasha baly eń tómen bolǵan: Qazaq qatynas joldary ýnıversıteti – 50 ball; Akademık Q. Sátbaev atyndaǵy Ekibastuz ınjenerlik-tehnıkalyq ınstıtýty – 50 ball; J.Táshenov atyndaǵy ýnıversıtet – 48 ball; Qyzylorda tehnologııa jáne qyzmet ınstıtýty – 22 ball.

Sonymen qatar, talapkerlerdiń 85% - UBT-ny eki ret, 4% - úsh ret jáne tek 11% ǵana - bir ret tapsyrǵan.