UBT-dan shekti ball jınaı almaǵan talapker de shartty negizde oqýǵa túse alady

NUR-SULTAN. QazAqparat – UBT-dan shekti ball jınaı almaǵan talapkerler joǵary oqý oryndaryna shartty negizde túse alady. Bul jaıynda Ǵylym jáne joǵary bilim mınıstrliginiń ókili Erjan Ámirbekuly osylaı dep málimdedi, dep habarlaıdy QazAqparat tilshisi.

«Túlekterdiń keıbiri memlekettik bilim grantyn alý úshin jetkilikti ball jınaı almady. Mundaı túlekter ózderi tańdaǵan joǵary oqý ornyna shartty túrde jáne aqyly negizde qabyldanady. Olar birinshi semestrdi aıaqtaǵannan keıin qańtar aıynda ótetin ulttyq biryńǵaı testileýge qatysady. Eger odan shekti ball jınasa, onda olar oqýyn ári qaraı tolyqqandy stýdent mártebesinde jalǵastyra alady», - dep atap ótti joǵary jáne joǵary oqý ornynan keıingi bilim departamenti dırektorynyń orynbasary.

Erjan Ámirbekuly bıyl UBT-da eń joǵary nátıje kórsetken eki túlek bar ekenine toqtaldy. Olar 138 ball jınaǵan.

Sondaı-aq, mınıstrlik ókili 2025 jylǵa deıin bakalavrıat baǵyty boıynsha bilim alatyn stýdentterdiń shákirtaqysy jyl saıyn 20, al magıstratýra men doktorantýra úshin 15 paıyzǵa ósetinin aıtty.

Budan ózge, vedomstvo ókili bıyl talapkerler tarapynan tehnıkalyq mamandyqtarǵa qyzyǵýshylyqtyń tómen bolǵanyn málimdedi.