UBT-dan ótkenderdiń teń jartysy ǵana grantty ıelene alady
ASTANA. 10 maýsym. QazAqparat - UBT-dan ótkenderdiń teń jartysy ǵana grantty ıelene alady. Búgin BAQ ókilderine UBT nátıjesi boıynsha eksklıýzıvti túsindirme bergen Bilim jáne ǵylym mınıstri Baqytjan Jumaǵulov osylaı málimdedi.
«UBT nátıjesinde 70 myńǵa tarta túlek ózderiniń oqýǵa túse alatynyn dáleldedi. Alaıda, bizde beriletin memlekettik granttar sany 35 myń. Endeshe, testileýden ótkenderdiń teń jartysy ǵana granttarǵa ıe bolady», - dedi Baqytjan Jumaǵulov.
Eske sala keteıik, UBT tapsyrýǵa ótinish bergen túlekterdiń 95 487-isi qatysqan bolatyn. Onyń ishinde shekti 50 ball kórsetkishke qol jetkize almaǵandardyń sany 27 465 túlekti qurap otyr. Sonda tıisti elý balldyq shekti eńsergen túlekter sany 68 myń 22 adam bolsa, sonyń 35 myńǵa jýyǵy grant boıynsha joǵarǵy oqý ornyna túsedi degen sóz.
