UBT-da úsh kún ishinde 10 myńǵa jýyq túlek 100-den astam upaı jınady
ASTANA. QazAqparat - Ulttyq biryńǵaı testileýdiń qorytyndysy boıynsha 10 myńǵa jýyq túlek 100-den astam upaı jınady, dep habarlady Ulttyq testileý ortalyǵynan.
Maýsymnyń 2-si men 4-i aralyǵynda ótken testileýge barlyǵy 67 602 túlek qatysty, sonyń ishinde qazaq tilinde bilim alǵandar - 47 592, orys tilinde oqyǵandar - 20 010 boldy. Testileý nátıjeleri boıynsha eń joǵary 125 ball jınaǵan túlekter sany ózgergen joq. Mundaı túlekter ekeý: Almaty qalasynyń №178 lıtseıiniń túlegi Aıǵanym Ábdijappar jáne Ybyraı Altynsarın atyndaǵy №159 gımnazııanyń túlegi Ásııa Marat. Úshinshi kúngi testileý 69 ótkizý pýnktteriniń bazasynda ótti. Bul kúni mejelik deńgeı ballyn 58 29 túlek jınaı almaǵan. Barlyq úsh kúnniń nátıjesi boıynsha 15 936 mektep bitirýshi tıisti mejelik upaıdy ala almady. Testileýdiń úshinshi kúni bes pán boıynsha 100-den astam balldy 4018 adam, al úsh kúnniń qorytyndysy boıynsha - 9833 túlek jınady. UTO habarlaǵandaı, UBT ótkizýdiń barlyq pýnkterinde nátıjeler keshiktirilmeı, ýaqytyly ilinip otyrdy, qorytyndylardy óńdeýde bógelister bolǵan joq.
