UBT-da tórtinshi toqsanǵa qatysty suraqtar joq – Bilim mınıstri
NUR-SULTAN. QazAqparat –QR Bilim jáne ǵylym mınıstri Ashat Aımaǵambetov tikeleı efır barysynda bıyl Ulttyq biryńǵaı testileý qashan ótetinin aıtty, dep habarlaıdy QazAqparat tilshisi.
«UTB bizdiń elde keste boıynsha jyl saıyn maýsym aıynyń sońy men shilde aıynyń basynda ótedi. UBT-ǵa daıyndalý úshin ýaqyt jetkilikti ekenin kórip otyrsyzdar. Maýsym aıynyń sońynda qazirgi jaǵdaı ózgeredi dep oılaımyz. UBT-ny dástúrli túrde ótkizetinimizge úmittenemiz. Birinshiden, UBT – ótedi. Ekinshiden, onyń formaty ózgermeıdi. Úshinshiden, ótý ýaqyty da ózgermeıdi», - dedi mınıstr.
Degenmen, A.Aımaǵambetov pandemııaǵa baılanysty ahýal ózgermegen jaǵdaıǵa UBT-ny ótkizýdiń ózge nusqalary qarastyrylyp jatqanyn jetkizdi.
«Ádiskerler, ІT mamandardan quralǵan top bar. Olarmen birigip UBT-nyń eki nusqasyn daıyndap qoıdyq. Pandemııa jaǵdaıy jaqsarmasa, ekinshi nusqany qoldanamyz. Buryn aıtqanymdaı, «B» josparyn qoldanamyz. Biz 11-synyptar úshin qorytyndy attestatsııany alyp tastadyq. Bul UBT-ǵa jaqsyraq daıyndalý úshin múmkindik beredi. Bıyl test suraqtary ishinde 99% tórtinshi toqsanǵa qatysty suraqtar joq», - deıdi ol.
