UBT-da «oǵash» suraqtardyń kezdeskeni rastalsa, mınıstr B.Jumaǵulov keshirim suraýǵa daıyn

Bul týraly ol «Vremıa» gazetiniń oqyrmandarynyń saýaldaryna bergen jaýabynda aıtqan.

Almaty turǵyny mınıstrmen telefonmen sóılesý barysynda óziniń týystarynyń biriniń UBT-da «Roza Rymbaevanyń súıikti kóılegi qandaı nemese Raıymbek batyr qandaı tústikıim kıgen?» syndy oǵash tarıhı suraqtardyń bolǵandyǵyn aıtqandyǵyn jetkizgen.

«Maǵan dostarymnyń biri qońyraý shalyp, «Mine, meniń aldymda uly UBT tapsyrǵan jáne «Shyńǵyshan bir joryqta qansha at aýystyrǵan?» degen saýalǵa jaýap bergen tarıhshy otyr», - dedi. Biz test saýaldaryn qarap shyqtyq. Ondaı saýal joq. Sóıtsek, osydan jeti jyl buryn bir tarıhshy mundaı tapsyrma jóninde aıtyp, ol áli kúnge deıin  aldan shyǵyp keledi. Men sizderge málim etemin, mundaı suraqtar bolmaǵan jáne joq», - deıdi B.Jumaǵulov.

Onyń atap ótýinshe, barlyq saýaldary standarttarǵa saı jáne olardy daıyndaýdyń sońǵy kezeńinde elimizdiń úzdik 166 pedagogy olarǵa saraptama jasaǵan.

«Bazada 149 myńnan astam test tapsyrmalary bolǵandyǵyna qaramastan Roza Rymbaevaǵa qatysty jáne osy syndy saýaldardyń bolǵandyǵyn qajetti sózdi izdeý tetigine jazý arqyly 1 mınýtta-aq anyqtaýǵa bolady. Egerde mundaı saýaldardyń shyndyǵynda da bolǵandyǵy rastalsa, onda men sol saýaldy daıyndaǵandar úshin keshirim suraýǵa daıynmyn», - dedi B.Jumaǵulov.