UBT-da ereje buzǵan 98 talapker aýdıtorııadan shyǵaryldy
«Testileý kezinde erejelerdi buzǵany úshin 98 adam aýdıtorııadan shyǵarylyp, nátıjeleri joıyldy. Sondaı-aq, 62 adam tyıym salynǵan zattardy kirgizbekshi bolǵan, olar da UBT tapsyrý múmkindiginen aıyryldy», - dedi Ulttyq testileý ortalyǵynyń dırektory Rýslan Emelbaev ortalyq kommýnıkatsııalar qyzmetinde.
Onyń aıtýynsha, UBT shtattyq rejımde jáne esh fors majorsyz ótken. Testileý «1 kompıýter – 2 kamera – 1 testilenýshi» qaǵıdasymen uıymdastyrylady.
«Test tapsyrý ornynda negizgi kameradan basqa, testilenýshiniń dybysy men qozǵalysyn jazý úshin aldyńǵy veb-kamera ornatylady. Frontaldy veb-kamera talapkerdiń jeke basyn sáıkestendirýge jáne UBT kezinde bógde adamdardyń kirýin boldyrmaý úshin qajet. Sondaı-aq bul qaǵıdat emtıhan tapsyrý barysyna baqylaý júrgizý jáne testileýdiń ashyqtyǵyn qamtamasyz etý úshin qajet. Qabyldanǵan sharalar arqasynda qańtar UBT-nyń qorytyndylary boıynsha bógde adamdardy kirgizýge tyrysý faktisi anyqtalǵan joq. Esterińizge sala ketsem, 2022 jyly barlyq 5 testileý qorytyndysy boıynsha tek 1 fakti tirkelgen edi.
Aıta keteıik, qańtar aıyndaǵy UBT-ny 123 myń adam tapsyrdy. Testileý qorytyndysy boıynsha 102 myńǵa jýyq talapker shekti ball (50) jınady, bul qatysýshylardyń jalpy sanynyń 83%-yn quraıdy. Al 21 myńnan astamy (17%) shekti ball jınaı almady.
Jalpy UBT ortasha baly - 76. Eń joǵary ball – 139, oǵan Qazaqstan boıynsha 5 talapker qol jetkizgen.
Sondaı-aq, IELTS synaǵynan 5.5 jáne 5.0. upaı alǵan talapkerler aǵylshyn tilinen UBT tapsyrmaýy múmkin.
