UBT-da aýyldyq mektepterdiń ortasha bally qalalyqtardan 9,4 paıyzǵa tómen - QR BǴM
ASTANA. QazAqparat - Bıyl UBT-da aýyldyq mektepterdiń ortasha baly 1,9 ballǵa ósti. Bul týraly búgin bilim qyzmetkerleriniń respýblıkalyq Tamyz keńesinde QR Bilim jáne ǵylym mınıstri Aslan Sárinjipov málim etti.
«Strategııalyq mańyzdy baǵyttardyń biri orta bilimniń sapasyn arttyrýǵa baılanysty. 2014 jyly UBT-nyń ortasha bally qalalyq mektepterde 2,5 ballǵa, al aýyldyq qatysýshylar arasynda 1,9 ballǵa ósti. Alaıda aýyldyq mektepter túlekteriniń ortasha bally qalalyqtardan 9,4 paıyzǵa tómen kúıinde saqtalýda. Osy oraıda qala men aýyl arasyndaǵy alshaqtyq bizdi alańdatyp otyr jáne bul bizdiń basymdyqty maqsattardyń biri bolyp tabylady», - A.Sárinjipov. Onyń sózine qaraǵanda, UBT kezinde Almaty men Astananyń túlekteri eń tabysty nátıjege qol jetkizdi. Belgili bolǵandaı, jeti oblysta UBT-nyń balldary respýblıka boıynsha orta kórsetkishten tómen boldy.
