UBT barysynda oqýshylardy tintýge qatysty «yńǵaısyz» jaǵdaı Agrarlyq ýnıversıtetten basqa eshbir jerde oryn alǵan joq - B. Jumaǵulov
ASTANA. 18 maýsym. QazAqparat - Testileý barysynda oqýshylardy tintýge qatysty «yńǵaısyz» jaǵdaı Agrarlyq ýnıversıtetten basqa eshbir jerde oryn alǵan joq.
Bul týraly búgin Májiliste ótken Úkimet saǵatynda Bilim jáne ǵylym mınıstri Baqytjan Jumaǵulov málim etti.
«Ulttyq biryńǵaı testileý barysynda túlekterdi tintýge qatysty «yńǵaısyz» jaǵdaı Agrarlyq ýnıversıtette ǵana oryn alǵan biregeı másele bolyp otyr. Onda, Saryarqa aýdanynyń ishki ister qyzmetkerleri «Shash al dese, bas al» degen ádetke basyp, 3-4 balany timiskilegen. Mundaı jaǵdaı 154 ortalyqtyń basqa eshbirinde oryn alǵan emes. Degenmen, álgi máselege qatysty meniń orynbasarlarymnan bastap, komıtet tóraǵasyna deıingi jaýapty tulǵalardyń bárine sógis berildi. Al ulttyq testileý pýnktiniń basshysy jumysynan bosatyldy», - dedi B. Jumaǵulov.
Mınıstrdiń paıymynsha, testileýge qatysty balalardyń bárin jappaı tintýden ótkizý durys shara emes.
«Sondyqtan da, bir ǵana ortalyqta oryn alǵan olqylyqty túzettik, jalpy men ondaı máseleni qoldamaımyn. «Balardy timiskilemek turmaq, olarǵa qol tıgizbeńder», - dep tapsyrma bergenmin», - dedi B. Jumaǵulov.
