UBT barysynda menıngıtten qorǵaný sharalary jasalady
ASTANA. QazAqparat - QR Bilim jáne ǵylym mınıstrligi Ulttyq testileý ortalyǵy Ulttyq biryńǵaı testileý barysynda menıngıtten qorǵaný sharalaryn eskeredi, dep habarlaıdy QazAqparat tilshisi.
Bul týraly QR Bilim jáne ǵylym mınıstrligi Ulttyq testileý ortalyǵynyń dırektory Ramazan Álimqulov Ortalyq kommýnıkatsııalar qyzmetinde ótken baspasóz máslıhatynda málim etti.
"Menıngıt boıynsha QR Densaýlyq saqtaý mınıstrligimen birlesip jumys istep jatyrmyz, eki-úsh jınalys boldy. Óz ókilderimizge múmkindik bolsa terezelerdi ashyp, synypty jeldetip turýdy tapsyrdyq. Sondaı-aq, keı óńirlerde aýa raıynyń salqyndyǵyna qaramaı, terezeni ashyp, jaǵdaıdy qıyndatpaýdy da eskerttik", - dep jaýap berdi R. Álimqulov jýrnalıster saýalyna.
Aıta keteıik, sońǵy aıda Qazaqstandaǵy menıngokokk ınfektsııasyn juqtyrý oqıǵasy rezonans týdyrdy.
Densaýlyq saqtaý mınıstrliginiń málimetinshe, elimizde 2018 jyldyń basynan bastap menıngokokk juqpasyna qatysty 62 oqıǵa tirkeldi, onyń ishinde statsıonarlyq emdeýde 7 adam, 42 adam shyǵarylǵan jáne 13 jaǵdaıda ólimmen aıaqtalǵan. Almaty qalasynda - 6 fakti, Almaty oblysynda - 3, Ońtústik Qazaqstan oblysynda - 3 jáne Qyzylorda oblysynda - 1 oqıǵa tirkelgen.
Búgin Densaýlyq saqtaý mınıstrligi Ońtústik Qazaqstan oblysynda mektep bitirýshi túlektiń menıngıtten qaıtys bolǵany rastaldy.
