UBT barysynda birneshe márte buzýshylyq jasaǵan 24 túlektiń testi nátıjeleri esepke alynbaıdy
ASTANA. 6 maýsym. QazAqparat - Alǵashqy úsh kúnniń ishinde UBT 148 test tapsyrý oryndarynda ótkizildi. 71 592 mektep bitirýshi qatysty (95,5 paıyz). Birneshe márte buzýshylyq jasaǵany úshin 24 mektep túlegi aýdıtorııadan shyǵaryldy. Bul týraly QR Bilim jáne ǵylym mınıstrliginiń baspasóz qyzmetinen habarlady.
Aýdıtorııaǵa kire beriste 9 763 ruqsat etilmegen zattar alyndy, onyń 7 482 - testileý barysynda (uıaly telefondar, kalkýlıatorlar, fotoapparattar, ratsııalar). 24 test tapsyrýshynyń nátıjeleri eseptelmedi.
Búgingi kúnge ortasha ball - 74,2 quraıdy. 2012 jyly - 70,9 balldy quraǵan bolatyn.
20 693 mektep bitirýshi túlek (28,9%) 50 ball tıisti mejeni baǵyndyra almady. 7814 mektep bitirýshi (10,9%) 100-den artyq ball jınady. 2012 jyly - 6 421 (9,2%).
125 ball - eń joǵary kórsetkishke úsh túlek qol jetkizdi. Olar: Pavlodar oblysy Ekibastuz qalasynyń daryndy balalarǵa arnalǵan №1 mamandandyrylǵan mektep-lıtseıiniń túlegi Ásel Aıtkenova, Shymkenttegi M.H.Dýlatı atyndaǵy úsh tilde oqytatyn mamandandyrylǵan daryndy balalarǵa arnalǵan №8 gımnazııa túlegi Aıda Ysqaq jáne Almaty qalasyndaǵy O.Jáýtikov atyndaǵy respýblıkalyq mamandandyrylǵan fızıka-matematıkalyq mektep-ınternatynyń túlegi Botagóz Quspanǵalıeva. Osylaısha, osy jyly atalmysh kórsetkish byltyrǵydan qaraǵanda jaqsardy. 2012 jyly eń joǵary kórsetkishke eki túlek qol jetkizgen bolatyn.
