UBT: Astanada eki kúnniń qorytyndysy boıynsha ortasha ball 86,3 qurady
ASTANA. QazAqparat - Búgin Astanada Qazaq gýmanıtarlyq-zań ýnıversıteti ǵımaratynda 466 túlek Ulttyq biryńǵaı testileýden ótti.
Eki kúnniń qorytyndysy boıynsha Astana qalasynda ortasha ball 86,3 qurady. Jalpy, buǵan deıin UBT-ǵa 2016 túlek qatysyp, óz bilimderin synap úlgerdi. Olardyń 1029-y - qazaq tilinde, al 987-i - orys tilinde testileý tapsyrdy, dep habarlaıdy astana.kz. Testileý tańdaý pánin qosa alǵanda, 5 pán boıynsha ótedi, sondaı-aq 3,5 astronomııalyq saǵatqa jalǵasady. Bıyl attestatqa UBT sheńberinde tapsyrylǵan jalpy bilim berý pánderi boıynsha jyldyq baǵany esepteı kele, ortasha arıfmetıkalyq baǵa qoıylady. Budan bólek, testileý nátıjeleri Ulttyq testileý ortalyǵynyń saıtynda jarııalanady, saıttaǵy nátıjeni oqýshynyń jeke sáıkestendirý nómiri arqyly bilýge bolady. Jalpy, Astana boıynsha Ulttyq biryńǵaı testileýdi (UBT) 3,5 myńnan astam túlek tapsyrady, sonyń ishinde 180 oqýshy «Altyn belgige» úmitker, al 79-y erekshe úlgidegi attestat alady.
