UBT: «Altyn belgige» úmitkerlerdiń 34 paıyzy óz bilim deńgeıin dáleldedi
ASTANA. 10 maýsym. QazAqparat - Ulttyq biryńǵaı testileýdiń nátıjesinde úmitkerlerdiń 34 paıyzy óz bilim deńgeıin dáleldep shyqty.
Búgin BAQ ókilderine UBT nátıjesi boıynsha eksklıýzıvti suhbat bergen Bilim jáne ǵylym mınıstri Baqytjan Jumaǵulov osylaı málim etti.
Mınıstrdiń aıtýynsha, 100-den astam ball jınaǵan úmitkerler sany bıyl 11 167 túlekti qamtyp otyr. «Testileý barysynda jalpy buzýshylyqtar da oryn aldy. Máselen, tyıym salynǵan uıaly telefondar, kalkýlıator, fotoapparat sekildi 27 726 zat alyndy. Tipti ratsııalardyń da túrleri tabyldy. Alaıda, olarǵa kóbinese eskertý jasalyp, ary qaraı synaq tapsyrýlaryna ruqsat berildi», - dedi B. Jumaǵulov.
Toqtala ketetin jaıt, birneshe márte qaıtalanǵan buzýshylyq jasaǵany úshn 31 mektep túlegi testke jiberilmedi. Olardyń ishinde basqa bireýdiń ornyna kirgeni úshin 6 adam aýdıtorııadan shyǵarylǵan.
«Byltyrǵydaı túlekterdi tintý sekildi óreskel buzýshylyqtar da oryn almady, shaǵymdar da túsken joq», - dedi B. Jumaǵulov.
