UBT: Alty aı buryn JOO-ǵa túsý úshin qansha ball jınaý kerek
ASTANA. QazAqparat -Ulttyq biryńǵaı testileýge engizilgen ózgeristerge sáıkes oqýshy JOO-ǵa túsý úshin qansha ball jınaýy kerek? Bul týraly Úkimet otyrysynan keıin Bilim jáne ǵylym mınıstri Erlan Saǵadıev tilshilerge aıtty, dep habarlaıdy QazAqparat tilshisi.
«Qujattardy tapsyryp, UBT-dan ótýge bolady (qańtar aıynda). 50 ball alsańyz, sol joǵary oqý ornyna túsip, shartty qorǵaý deıdi ǵoı, sol jerde úlken UBT-ny kútýge bolady. Ekinshi UBT jazda bolady ǵoı. Grantqa túskisi kelse, onda jazdaǵy - ekinshi UBT-ǵa qatysýǵa quqyly. JOO-da aqshasyn ózim tólep oqımyn dese, UBT-ǵa (jazdaǵy - avt.) barmaı, qańtar aıynda bekitilip, ýnıversıtetke kúzde bir-aq bara alady», - dedi Erlan Saǵadıev tilshilerge bergen jaýabynda.
Mınıstrdiń aıtýynsha, mektep bitirerden alty aı buryn aqyly oqýǵa túsetinder JOO-daǵy bekitilgen tólemmen, eshqandaı jeńildiksiz bilim alatyn bolady.
ıAǵnı, JOO-da aqyly oqýdy qalaıtyn mektep túlekteri UBT-ny qańtar aıynda tapsyryp, jazdaǵy dástúrli UBT-ǵa qatyspaýǵa quqyly.
Eske sala ketsek, QR Bilim jáne ǵylym mınıstri Erlan Saǵadıev búgingi Úkimet otyrysynda Ulttyq biryńǵaı testileýge qatysty ózgeristerdi jarııalaǵan bolatyn. Onyń aıtýynsha, birinshiden, kelesi jyldan bastap UBT jyl ishinde qańtar aıynda bastalyp, birneshe ret ótkiziledi. Ekinshiden, qańtardan bastap mektep túlekteri úshin aqyly negizde oqýda shartty túrde túsýge múmkindik beriledi. Úshinshiden, joǵary oqý oryndarynda shetel azamattarynyń oqý jyly kezinde oqýǵa qabyldaý múmkindigi qarastyrylǵan. Tórtinshiden, shetel azamattary, sonyń ishinde qazaq dıasporasy úshin stıpendııalyq baǵdarlamalar engiziledi. Besinshiden, magıstratýraǵa qabyldaýdyń jańa modeli engizilýde.
