UBT: Aqmola oblysynyń úsh qalasynda testileý ótedi

KÓKShETAÝ. QazAqparat - Aqmola oblysy mektepteriniń oqýshylary oqý jylyn oń nátıjemen aıaqtaıdy. Óńirde 2020-2021 oqý jylynyń qorytyndysy shyǵaryldy, dep habarlaıdy QazAqparat tilshisi oblystyq ishki saıasat basqarmasynyń baspasóz qyzmetine silteme jasap.

Oblystyq bilim basqarmasynyń basshysy Beıbit Júsipovtiń aıtýynsha, bıyl «Altyn belgi» tósbelgisine jáne erekshe úlgidegi attestatqa úmitkerlerdiń sany ósken.

«Sońǵy úsh jylda «Altyn belgi» belgilerin jáne erekshe úlgidegi attestattardy alǵan túlekter sany artýda. 2020 jyly 303 túlek tósbelgi, 187 úzdik attestat alsa, bıyl 384 tósbelgige, 250 adam erekshe úlgidegi attestatqa ıe boldy», - dedi Beıbit Júsipov.

Eske sala keteıik, Bilim jáne ǵylym mınıstrliginiń buıryǵy negizinde óńirdegi 9-synyptardaǵy 10 200-den astam bilim alýshylary úshin qorytyndy bitirý emtıhandary 2021 jylǵy 28 mamyr men 5 maýsym aralyǵynda jáne 2021 jylǵy 1-10 maýsym aralyǵynda 5040 túlek úshin sanıtarııalyq talaptardy saqtaı otyryp ótedi. Grantqa túskisi keletin túlekter Ulttyq biryńǵaı testileýdi onlaın formatta úsh pýnktte – Kókshetaý, Atbasar jáne Aqkól qalalarynda tapsyrady. Testileýge 1072 oqýshy qatysty. Elimizdiń oqý oryndaryna túsetin túlekter sanynyń ósýi baıqalady. Eger ótken oqý jylynda otandyq orta jáne joǵary oqý oryndaryna 73 paıyzy oqýǵa tússe, búginde jergilikti bilim berý uıymdarynda 75 paıyzy oqýdy josparlap otyr.

«Aǵymdaǵy jyly Aqmola oblysynyń bilim basqarmasy sońǵy qońyraýdy onlaın rejıminde nemese synyp saǵaty túrinde ótkizýdi josparlap otyr. 300 oqýshyǵa deıingi mektepterde bas sanıtarlyq dárigerlerdiń kelisimi boıynsha ashyq aýada saltanatty is - shara ótkizýge ruqsat etilgen», - dedi Beıbit Júsipov.

Óńirdiń 556 jalpy bilim beretin mektebinde 129 975 oqýshy oqıdy.