UBT: 99 elordalyq mektep túlegi «Altyn belgini» aqtady
ASTANA. QazAqparat - Elimizde Ulttyq biryńǵaı testileý óz máresine jetti. Astana qalasynyń 99 túlegi testileýdi sátti tapsyryp, «Altyn belgi» ıegeri atandy.
Bıyl Astana qalasynda UBT-ǵa 3399 mektep bitirýshi qatysty, dep habarlaıdy astana.kz qalalyq Bilim basqarmasyna silteme jasap. Atap óteıik, Astana qalasynyń №59 orta mektebiniń túlegi Rıana Mustafına eń joǵarǵy 125 balldy jınady. Al №10 jáne №70 orta mektepteriniń eki túlegi 124 balldan aldy. Ulttyq biryńǵaı testileýdiń Astana qalasy boıynsha ortasha kórsetkishi 86,26 balldy qurady. Eske sala keteıik, UBT Qazaqstanda osymen 12-shi ret ótkizilip otyr. Testileý tańdaý pánin qosa alǵanda, 5 pán boıynsha tapsyryldy, sondaı-aq 3,5 astronomııalyq saǵatqa jalǵasty. Bıyl attestatqa UBT sheńberinde tapsyrylǵan jalpy bilim berý pánderi boıynsha jyldyq baǵany esepteı kele, ortasha arıfmetıkalyq baǵa qoıylady. Budan bólek, testileý nátıjeleri Ulttyq testileý ortalyǵynyń saıtynda jarııalandy, saıttaǵy nátıjeni oqýshynyń jeke sáıkestendirý nómiri arqyly bilýge bolady.
