UBT: 24 paıyz talapker orys tilin, 0,1 paıyz aǵylshyn tilin tańdaǵan

ASTANA. QazAqparat – 2023 jylǵy negizgi UBT kezinde talapkerlerdiń 75 paıyzy qazaq tilinde test tapsyrǵan. Bul týraly Ǵylym jáne joǵary bilim vıtse-mınıstri Qýanysh Erǵalıev ortalyq kommýnıkatsııalar qyzmetinde ótken brıfıngide aıtty, dep habarlaıdy QazAqparat tilshisi.

«Test tapsyrý tiline kelsek, 75 paıyzy qazaq tilinde, 24 paıyzy orys tilinde, 0,1 paıyz aǵylshyn tilinde tapsyrǵan», - dedi vıtse-mınıstr.

Sondaı-aq, ol testileý 5 pán boıynsha ótkenin eske saldy.

«Onyń bárin bilesizder. 3 mindetti jáne eki beıindi pán boldy. Test tapsyrmalarynyń sany – 120.

Jalpy bıyl erekshe bilim berý qajettiligi bar talapkerlerge arnaıy jaǵdaı jasaldy. Mysaly, test ýaqyty olar úshin 40 mınýtqa uzartyldy. Sonymen qatar, syzba men dıagrammasyz suraqtar berildi. Osy sharalardyń arqasynda 478 erekshe bilim berý qajettiligi bar testileýshi UBT tapsyrdy», - dedi Qýanysh Erǵalıev.