UBT: 125 ball alǵan 19 túlektiń 6-aýy «Daryn» mektepterin bitirgen
ASTANA. QazAqparat - Ulttyq biryńǵaı testileýden eń joǵarǵy 125 ball alǵan 19 túlektiń 6-aýy «Daryn» bilim berý jelisi mektepterin bitirgender. Bul týraly «Daryn» respýblıkalyq ǵylymı-praktıkalyq ortalyǵynyń baspasóz qyzmetinen habarlandy.
Aıta ketý kerek, «Daryn» respýblıkalyq ǵylymı-praktıkalyq ortalyǵy jelisinde qazir elimiz boıynsha 124 mamandandyrylǵan, ıaǵnı daryndy balalarǵa arnalǵan oblystyq jáne respýblıkalyq deńgeıdegi mektep-ınternattar men lıtseıler jáne gımnazııalar bar. Olar jaratylystaný-matematıka, qoǵamdyq-gýmanıtarlyq, mýzykalyq, áskerı-sporttyq baǵyttardy qamtıdy. Jyl saıyn Ulttyq biryńǵaı testileý qorytyndysy boıynsha mamandandyrylǵan bilim berý uıymdarynyń 61%-y respýblıkamyzdyń úzdik 100 mektebi qataryna kiredi.
«Mysaly daryndy balalarǵa arnalǵan 124 mektepten UBT-ǵa 4 407 mektep bitirýshi qatyssa, testileý qorytyndysy boıynsha ortasha ball - 98 baldy qurady. «Altyn belgige» úmitker 706 túlektiń 484-i dárejesin dáleldep shyqty. Osylaısha, oqýshylardyń jyl saıynǵy joǵary jetistikteri daryndy balalarǵa arnalǵan mektepterdiń óz mártebesine saı ekendigin is júzinde dáleldeýde», delingen baspasóz baıanynda.
