Úbi ózeninde muzý jarý jumystary júrgizildi
NUR-SULTAN. QazAqparat - Shyǵys Qazaqstan oblysynda Úbi ózeninde muzý jarý jumystary júrgizildi. Bul jaıynda QR ІІM Tótenshe jaǵdaılar komıtetinen málim etti, dep habarlaıdy QazAqparat tilshisi.
Vedomstvonyń atap ótýinshe, Shyǵys Qazaqstan oblysynda Altaı aýdanyndaǵy Buqtyrma, Turǵysyn, Shemonaıha aýdanyndaǵy Úbi, Glýbokoe aýdanyndaǵy Glýbochanka men Úlbi ózeni basseınderinde ornalasqan eldi mekenderdi sý basý qaýpi, sondaı-aq Úrjar men Kókpekti aýdandaryndaǵy taýly aımaqtarda betkeıden aǵys qalyptasý yqtımaldyǵy joǵary. Osyǵan baılanysty barlyq qalalar men aýdandarda sý tasqynyna qarsy jumystar júrgizilýde. Qazirgi tańda respýblıkalyq jáne oblystyq mańyzy bar joldardaǵy kópirler men sý ótkizý qubyrlaryn tazalaý jumystary júrgizilip jatyr. 816,5 myńnan astam tekshe metr qar shyǵaryldy. 79,6 myń dana qum salynǵan qap pen 4,5tonna ınertti materıal daıyndaldy.
«Muz qursaýynyń aldyn alý úshin ózenderde profılaktıkalyq jarý jumystary júrgizilýde. Jalpy alǵanda muzdy qopsytý jumystary 7 aýdandaǵy 21 ýchaskede josparlanǵan. Jumystar Shemonaıha jáne Borodýlıha aýdandaryndaǵy Úbi ózeninde júzege asyryldy. Shemonaıha qalasyndaǵy avtomobıl kópiri aýdanynda 2900 sharshy metr aýmaqta muz usatylsa, Joǵary Úbi jáne Úlbi aýyldarynda 7040 sharshy metr, Borodýlıha aýdanyndaǵy Krasnyı ıAr aýylynda -580 sharshy metr jerde muz qopsytyldy. Budan ári qaraı jumystar Besqaraǵaı, Kúrshim, Katonqaraǵaı jáne Altaı aýdandarynda jáne Semeı qalasynyń mańynda júrgiziledi», - dep atap ótedi komıtetten.
