Uber qyzmetkerler sanyn shamamen 10%-ǵa qysqartady
ASTANA. KAZINFORM — Uber kompanııasy uıymdyq qurylymdy ońtaılandyrý jáne sheshim qabyldaý úderisin jedeldetý maqsatynda qyzmetkerler sanynyń shamamen 10%-yn qysqartatynyn málimdedi, dep jazady Anadoly.
Kompanııanyń bas dırektory Dara Hosrovshahı qyzmetkerlerge joldaǵan habarlamasynda basqarý júıesin jeńildetip, komandalardyń jumysyn qaıta uıymdastyratynyn aıtty. Keıbir qyzmetkerlerdiń mindetteri de ózgerýi múmkin.
Kompanııa qyzmetkerleriniń sany shamamen 10%-ǵa qysqarady. Qysqartylatyn qyzmetkerlerdiń basym bóligine bul týraly aldyn ala habarlanǵan.
Kompanııanyń aıtýynsha, bul sheshim kompanııanyń qarjylyq jaǵdaıyna nemese qyzmetkerlerdiń jumysyna baılanysty emes. Negizgi maqsat — kompanııa ósken saıyn kúrdelene túsken jumys qurylymyn jeńildetip, sheshimderdi tezirek qabyldaý.
Uber basshylyǵy neǵurlym yqsham ári qarapaıym uıymdyq qurylym sheshimderdi jyldam qabyldaýǵa múmkindik beredi dep esepteıdi. Al qysqartý nátıjesinde únemdelgen qarajat kompanııanyń damýyna, ınnovatsııalarǵa jáne bolashaq ınvestıtsııalarǵa baǵyttalady.
Osyǵan deıin ınvataksı qyzmeti Astana men Almatyda qanshalyqty suranysqa ıe ekenin jazǵanbyz.
