UB: Inflıatsııany tómendetýge múmkindik bolmasa aqsha-kredıt saıasaty qatańdatylýy múmkin

ASTANA. KAZINFORM — Ulttyq bank aqsha-kredıt saıasaty baǵytyn ózgerissiz qaldyrady. Bul týraly Ulttyq bank tóraǵasy Tımýr Súleımenov aıtty.

- Ulttyq bank aqsha-kredıt saıasaty baǵytyn ózgerissiz qaldyrady. Bul bizdiń ınflıatsııalyq qysymdy báseńdetýge, baǵanyń turaqty túrde baıaýlaýyna jáne jańa ınvestıtsııalyq tsıkl qalyptastyrýǵa qosqan úlesimiz dep qabyldaýǵa bolady,- dedi Tımýr Súleımenov.

Onyń aıtýynsha, ınflıatsııamen kúres jolynda naqty nátıjege jetý úshin bazalyq mólsherleme qazirgi deńgeıde qalady. Eger ınflıatsııany tómendetýge ornyqty múmkindik bolmasa, aqsha-kredıt saıasatyn qatańdatý tásili qoldanylýy múmkin.

- Ulttyq bank ınflıatsııany turaqty tómendetý úshin aqsha-kredıt jáne makroprýdentsııalyq saıasat quraldarynyń barlyǵyn paıdalanady. 2026 jylǵy basym baǵyt – ınflıatsııany boljamdy dıapazon sheginde ustap, ony turaqty deńgeıge jetkizý. Ortamerzimdi perspektıvadaǵy maqsatymyz ózgerissiz, ol ınflıatsııany nysanaly deńgeı – 5 paıyzǵa qaıtarý. Aqsha-kredıt sharttaryn soǵan sáıkes beıimdeımiz,- dedi UB tóraǵasy.

Aıta keteıik, búgin Ulttyq bankiniń Aqsha-kredıt saıasaty komıteti bazalyq mólsherlemeni +/- 1 p. t. dálizimen jyldyq 18% deńgeıinde belgileý týraly sheshim qabyldady.