UB basshysy shetelde Ulttyq qor qarjysyna tyıym salý aqparatyna túsinik berdi
ASTANA. QazAqparat - Parlament Májilisinde QR Ulttyq bankiniń tóraǵasy Danııar Aqyshev Gollandııada Qazaqstannyń Ulttyq qor qarjysyna tyıym salynǵany týraly aqparatqa túsinik berdi, dep habarlaıdy QazAqparat tilshisi.
«Bul turǵyda jańsaq aqparat jarııalandy. Ulttyq qor qarjysy qundy qaǵazdarda shved kompanııalarynda 100 mln AQSh dollary kóleminde, Gollandııada baǵaly qaǵazdarda 240 mln dollar deńgeıinde ornalastyrylǵan», - dep túsindirdi UB basshysy tilshilerdiń saýalyna jaýap berý kezinde.
Onyń atap ótýinshe, osyǵan baılanysty qandaı da bir talap-aryz qoıylsa, barlyq jumys Ádilet mınıstrligimen birlese júrgiziledi.
«Tek olarmen konsýltatsııalar jasalǵannan keıin ǵana biz tıisti pikirimizdi málimdeı alamyz»,-dedi Aqyshev.
