UB basshysy Ulttyq qordan balalarǵa aqsha aýdarýǵa áser etetin faktorlardy aıtty

Ulttyq bank tóraǵasy Tımýr Súleımenov Ulttyq qor tabysynan balalarǵa aýdarylatyn qarajat deńgeıi qandaı faktorlarǵa  baılanysty bolatynyn túsindirdi, dep habarlaıdy Kazinform. 

Atap aıtqanda, keler jyldyń 1 aqpanynan Ulttyq qor tabysynan balalarǵa qarajat aýdaryla bastaıdy.

«Tólemder Ulttyq qordan baǵyttalady. Bul turǵyda kem degende úsh faktor eskerilgen. Birinshiden, turaqty kiris bolýy kerek, oǵan munaı baǵasy, metall quny, salyq salasyndaǵy ákimshilendirý eleýli áser etedi», - dedi T.Súıleımenov Májilistiń jalpy otyrysynda depýtattardyń suraǵyna jaýap bere otyryp.

Ulttyq bank basshysy fıskaldyq tártip máselesin de atap ótti.

«Ekinshiden, bul bizdiń fıskaldyq tártipke baılanysty bolady. ıAǵnı, Ulttyq qordan qansha alatynymyzdy, qanshasyn maqsatty kepildendirilgen transfert retinde aýdaratynymyzdy eskerý kerek. Al kelesi komponent Ulttyq qordyń ózin basqarý tıimdiligine baılanysty bolady», - dedi Tımýr Súleımenov.

Budan buryn UB basshysy Qazaqstanda Ulttyq qor qarajatyn basqarý saıasaty ózgeretinin aıtty.