UB azyq-túlik baǵasynyń ósýine ne sebep bolatyndyǵyn aıtty

ASTANA. QazAqparat – QR Ulttyq bank tóraǵasy Ǵalymjan Pirmatov azyq-túlik baǵasynyń ósýine ne sebep bolatyndyǵyn aıtty, dep habarlaıdy QazAqparat tilshisi.

Ulttyq bankte ótken brıfıngte BAQ ókilderi Ǵalymjan Pirmatovtan: «Zeınetaqy ósse azyq-túlikke de baǵa qosylady. Sizdiń boljamyńyz qandaı? Qazaqstan azamattary ne kúte alady?», - dep suraǵan edi.

Saýalǵa jaýap bergen ol Ulttyq bank aqsha-kredıt saıasatyn júrgizgen kezde ınflıatsııany qadaǵalaý úshin suranys pen usynystyń arasyndaǵy tepe-teńdikti tabýǵa tyrysatyndyǵyn atap ótti.

«Árıne, usynys ósip jatqan suranysty der kezinde qamtamasyz ete almaıtyn bolsa, onda baǵa ósedi. Sondyqtan bazalyq mólsherlemeni kóterý arqyly halyqtyń artyq suranysyn shekteýge bolady. Suranys kóbirek óse berse, al usynys der kezinde qamtamasyz etilmese baǵa ósedi», - dedi Ulttyq bank tóraǵasy.