UAT gov.kz platformasynyń nelikten isten shyqqanyn túsindirdi

Gov.kz platformasynyń durys jumys istemeýi jańartý jumystarymen tikeleı baılanysty. Bul jóninde «Ulttyq aqparattyq tehnologııalar» AQ túsinik berdi, dep habarlaıdy Kazinform. 

«Ulttyq aqparattyq tehnologııalar» AQ – «Elektrondy úkimettiń» ınfokommýnıkatsııalyq ınfraqurylymynyń jáne memlekettik organdardyń biryńǵaı kólik júıesiniń operatory, sondaı-aq ortalyq jáne óńirlik memlekettik organdardyń aqparattyq júıelerine júıeli jáne tehnıkalyq qyzmet kórsetýdi qamtamasyz etedi.

«Biz árqashan gov.kz platformasynyń paıdalanýshylaryn yńǵaıly servıspen qamtamasyz etýge tyrysamyz. Osyǵan baılanysty biz onyń ónimdiligi men fýnktsıonaldyǵyn jaqsartý úshin únemi jańartýlar jasaımyz. Alaıda búgin sońǵy jańartýmen baılanysty qıyndyqtar týyndap, saldarynan gov.kz platformasy jumys istemedi», - dep jazylǵan UAT AQ resmı jaýabynda.

Uıymnyń habarlaýynsha, platformany dereý qalpyna keltirý úshin shuǵyl sharalar qabyldandy jáne engizilgen jańartýlar joıyldy.

«Qazirgi ýaqytta barlyq másele sheshildi jáne gov.kz qazir qaıtadan tolyq jumys istep tur. Bizdiń komanda men ázirleýshiler gov.kz platformasy úzdiksiz jáne yńǵaıly jumys isteý úshin jaqsartý jumystaryn jalǵastyrady», - deıdi Ulttyq aqparattyq tehnologııalar.

Buǵan deıin elimizde Gov.kz platforsyndaǵy barlyq mınıstrlikter men ákimdikterdiń saıttary ashylmaı qalǵany habarlanǵan edi.