Ýálıhan Qaısarov Prezıdenttikke kandıdattardyń memlekettik tildi erkin meńgerýin anyqtaý jónindegi lıngvıstıkalyq komıssııanyń synynan óte almady

Lıngvıstıkalyq komıssııa tóraǵasy Myrzataı Joldasbekovtyń aıtýynsha, memlekettik tildi erkin meńgerý synaǵy úsh túrli baǵyt boıynsha júrgizildi. «Atap aıtqanda, kandıdat eki betten aspaıtyn shyǵarma jazyp, kitaptan 3 mınýttan aspaıtyn mátin oqý kerek. Sondaı-aq kandıdat minberden sóılep, óz oıyn jetkize alatyndyǵyn kórsetýi kerek»,-dedi M. Joldasbekov.

Komıssııa tóraǵasynyń sózinshe, Ý. Qaısarov jazba jumysy boıynsha taqyrypty asha almady. Onyń oıy shashyrańqy boldy. Sóılem quraýda kóp qateler jiberdi. «Nátıjesinde orfografııalyq qateler - 7, pýnktýatsııalyq qateler - 11, stıldik qateler - 10 boldy. Bas-aıaǵy 2 bettik jazba jumysynyń negizgi qateleri - 28 bolyp shyqty»,-dedi M. Joldasbekov.

Onyń sózine qaraǵanda, Ý. Qaısarovtyń kitáptan mátin oqýy kóńilden shyqty. Al erkin taqyrypta oıy shashyrańqy boldy.