Ýálıhan Qaısarov QR Prezıdenttigine úmitker bolyp tirkelýge ótinish berdi

ASTANA. QazAqparat - Ýálıhan Qaısarov QR Prezıdenttigine ózin-ózi usyný tártibimen úmitker bolyp tirkelýge Ortalyq saılaý komıssııasyna ótinish berdi, dep habarlady QR OSK.

Ýálıhan Ábishuly Qaısarov 1965 jyly týǵan, 2015 jylǵy 6 naýryzda OSK-ge ótinish berdi. Ol «Kenesary han» qorynyń basshysy. Sóıtip, búgingi kúnge 11 adam óz kandıdatýralaryn usyndy. Sonymen birge OSK QR Prezıdenttigine úmitker retinde ótinish bergen olardyń ishindegi tórt adamdy - Baqyt Tólegenuly Ábdikárimovti, Sýhrab Ámınjanuly Myrzashevti, Asqar Jorabaıuly Syrǵabaevty jáne Safıolla Qalabaıuly Aldajanovty tirkeýden bas tartty. Tirkeýden bas tartýdan sebepter retinde "Qazaqstan Respýblıkasyndaǵy saılaý týraly" Konstıtýtsııalyq zańda jáne Konstıtýtsııada Qazaqstan Respýblıkasynyń Prezıdentine úmitkerlerge qoıylatyn talaptarǵa sáıkes emestikteri kórsetilgen.