Ýálıhan Bısenqulov nokaýtqa túsip, tıtýlǵa qol jetkize almady

NUR-SULTAN. QazAqparat – Máskeýdegi Korston Club kesheninde kásipqoı boks keshi ótti. Onyń hedlaınerleri qazaqstandyq Ýálıhan Bısenqulov (9-0, 9 KO) pen reseılik Artýsh Sarkısıan (5-7, 3 KO) boldy, dep habarlaıdy QazAqparat Sports.kz saıtyna silteme jasap.

Boksshylar IBA Asia nusqasy boıynsha birinshi aýyr salmaqtaǵy álem chempıony ataǵy úshin talasty. Jekpe-jek 10 raýndqa eseptelgen edi. Biraq Bısenqulov úshinshi raýndta jaǵyna tıgen soqqydan keıin nokaýtqa tústi. Osylaısha, Sarkısıan IBA Asia tıtýlyna ıe bolyp, profı-rıngtegi altynshy jeńisine qol jetkizdi.

Aıta keteıik, 2018 jyldyń aqpanynda kásipqoı boksqa kelgen Bısenqulov buǵan deıingi barlyq toǵyz aıqasyn nokaýtpen aıaqtap, jeńiske jetken bolatyn.