Ýaqytynan keshikken «Petropavl-Almaty» poıyzynyń jolaýshylary ótemaqy alady

Bul týraly QazAqparat «Jolaýshylar tasymaly» kompanııasyna silteme jasap habarlaıdy.

Kompanııa aqparatyna sáıkes, poıyz Almatyǵa ýaqytynan keshigip jetedi. Óıtkeni, 1 jeltoqsan kúni túngi saǵat 22:17-de «Petropavl-Almaty» baǵytynda qatynaıtyn poıyz Aqtasty stansysynda tehnıkalyq sebepterge baılanysty jospardan tys aıaldaǵan. Barlyq jolaýshylar basqa quramǵa otyrǵyzylyp, Astanaǵa jóneltilgen.

«Poıyzdyń Almatyǵa kelýi keshiktiriledi dep kútilýde. Jolaýshylar Almatyǵa jetkennen keıin «Temir jol kóligi týraly» QR Zańyna jáne «QR-nyń temir jol kóligimen jolaýshylardy, júkterdi jáne júk bagajdaryn tasymaldaý erejesine» sáıkes ótemaqy ala alady. «Jolaýshylar tasymaly» AQ fors-majorlyq jaǵdaıǵa baılanysty keshirim suraıdy», - delingen habarlamada.

Aıta keterligi, buǵan deıin «Petropavl-Almaty» poıyzy jolda shamamen 5 saǵat turyp qalǵandyǵy habarlanǵan bolatyn.