Ýaqytyly jetti: Qostanaılyq polıtseıler sýıtsıdtiń aldyn aldy
Oblystyq Polıtsııa departamentiniń baspasóz qyzmetinen málim etkendeı, aýdandyq polıtsııanyń kezekshi bólimine Áýlıekól aýylynyń turǵyny habarlasyp, 43 jastaǵy kúıeýine kómek suraǵan. Polıtsııa aqparatyna súıensek, er adam azamattyq nekedegi áıelimen janjaldan keıin ózine qol salatynyn aıtqan. Osylaısha, er adam úıinen shyǵyp ketedi.
«Dereý oqıǵa ornyna aýdan ortalyǵynda kezekshilikte júrgen avtopatrýl jiberildi. Polıtseıler Júnis Qarmaev pen Renat Býsheneev úı janyndaǵy saraıdan er adamdy tapty. Tártip saqshylary kelgende ol shynymen de ómirin qııýǵa qadam jasap, arqan baılap jatady. Oǵan birden alǵashqy medıtsınalyq kómek kórsetildi», - dep habarlady polıtsııanyń baspasóz qyzmetinen.
Polıtsııa ekıpajynyń jedel ári batyl qımylynyń arqasynda sýıtsıd jasamaq bolǵan er adam qutqaryldy. Endi ol psıhologtyń qaraýynan ótedi.
