Ýaqytsha jeke kýálik Qazaqstan aýmaǵynda jaramdy jáne ony saılaýǵa qatysý úshin qoldanýǵa bolady
ASTANA. 28 aqpan. QazAqparat - Qazaqstan Respýblıkasy Prezıdentiniń kezekten tys saılaýyna qatysý úshin Qazaqstan Respýblıkasy azamattarynyń jeke basyn kýálandyratyn qujattarynyń biri bolýy qajet (tólqujat, jeke kýálik),
dep habarlaıdy Qazaqstan Respýblıkasy Ádilet mınıstrliginiń baspasóz qyzmeti.
"Sonymen qatar azamattarǵa jeke kýáligi joǵalǵan, qoldanysqa jaramsyz bolǵan jaǵdaılarda jáne jeke basyn kýálandyratyn qujattary joq azamattarǵa olardyń ótinishi boıynsha jeke basyn kýálandyratyn jańa qujattar alǵanǵa deıin ádilet organdarymen turǵylyqty jeri boıynsha (tirkeý) ýaqytsha jeke kýálik beriledi", - dep aqparattandyrdy vedomstvonyń baspasóz qyzmeti.
Ýaqytsha jeke kýálik Qazaqstan Respýblıkasynyń aýmaǵynda jaramdy jáne ony saılaýǵa qatysý úshin qoldanýǵa bolady.
Osyǵan oraı, azamattar joǵaryda kórsetilgen sebepterge baılanysty saılaýǵa deıin jeke basyn kýálandyratyn qujattary bolmaǵan jaǵdaıda nemese qujatttary daıyndalmaǵan jaǵdaıda, ádilet basqarmasymen turǵylyqty jeri boıynsha (tirkeý) aýmaqtyq halyqty qujattandyrý jáne tirkeý bólimderine júginip, myna qujattardy: Aýmaqtyq ádilet basqarmasy basshysynyń atyna ótinishti; turaqty tirkeýdi rastaıtyn azamattardy tirkeý kitaby nemese mekenjaı bıýrosynyń anyqtamasyn; jeke basty kýálandyratyn qujat úshin aılyq eseptik kórsetkishtiń 20% kóleminde memlekettik baj tólemi tólengeni týraly túbirtekti; 3,5 h4,5 sm kólemindegi 1 fotosýretti usyna otyryp, ýaqytsha jeke kýálik alýǵa bolady.
