Ýaqytsha úkimet Q.Bakıevtiń inisin tabýǵa 100 000 dollar bás tigip otyr
ASTANA. Mamyrdyń 3-i. QazAqparat - Qyrǵyzstannnyń burynǵy prezıdenti Qurmanbek Bakıevtiń týystary men qolpashtaýshylaryn izdestirýge kómek bergenderge 20 myńnan 100 000 dollarǵa deıin bás tigildi, dep habarlaıdy RBK agenttigi ýaqytsha úkimettiń baspasóz qyzmetine silteme jasap.
Baspasóz qyzmetiniń atap ótkenindeı, ýaqytsha úkimettiń eldegi quqyq tártibi men qaýipsizdikti qmtamasyz etý komıssııasy búginde prezıdenttiń úsh inisi - Jánibek, Ahmatbek jáne Qanybekti, sondaı-aq eks-prezıdenttiń uly Maksım Bakıevti izdestirýde.
Baqıevtiń týystarynan basqa onyń otbasyn qolpashtaýshylar men birqatar sheneýnikterge de izdeý jarııalandy. Olardyń arasynda eks-premerler Danııar Úsenov, Igor Chýdınov, burynǵy ónerkásip, energetıka jáne otyn resýrstary mınıstri Saparbek Balqybekov, prezıdenttiń burynǵy is basqarmasynyń bastyǵy Qurmanbek Temirbaev, qarjy polıtsııasynyń burynǵy bastyǵy Ákimjan Múıbillaev, QR damý qorynyń basshysy Alekseı Elıseev, «sur kardınal» atanǵan Alekseı Shırshov jáne respýblıka ІІM joǵary shendi qyzmetkeri Nurlan Temirbaev bar.
