Ýaqytsha úkimet basshysynyń orynbasary elde lańkestik sharalar bolýy múmkindigi týraly eskertedi
MÁSKEÝ. Sáýirdiń 23-i. QazAqparat /Narymbek Ismaǵulov/ - Q. Bakıevtyń keıbir týystary Qyrǵyzstanda lańkestik sharalar uıymdastyrý úshin túrli uıymdarmen baılanys ornatýǵa tyrysýda. Bul týraly búgin Qyrǵyzstannyń Reseıdegi Elshiligindegi baspasóz máslıhatynda Qyrǵyz Respýblıkasy ýaqytsha úkimeti tóraǵasynyń orynbasary Temir Sarıev málimdedi.
Onyń aıtýynsha, ýaqytsha úkimet búgingi kúni aımaqtaǵy jaǵdaıdy turaqtandyrý úshin eldegi jaıtty tolyq baqylaýǵa alyp, qoǵamdaǵy tynys-tirshilikti oıdaǵydaı qamtamasyz ete alǵan.
«Biraq men, bul týraly bizde dáleldi dabyldar da bar, Q. Bakıevtyń keıbir týystary Qyrǵyzstanda áldeqandaı lańkestik sharalar uıymdastyrýdy kózdegen - túrli uıymdarmen baılanys jasaýǵa talpynys bar ekenin aıta alamyn», - dedi ol.
T. Sarıev, shuǵyl aqparattar boıynsha, mundaı tirliktiń elden tysqary jaqtan órbip jatqanyn, sonymen qatar burynǵy prezıdenttiń uly Maksım Bakıev, qylmyskerlik maqsatta paıdalanylýy múmkin sheteldik azamattar men uıymdarǵa, shyǵýǵa tyrysyp jatqanyn atap ótti.
