Ýaqytsha tirkeýge turýshylardyń qatary artyp keledi
ASTANA. QazAqparat - Qazaqstanda ýaqytsha tirkeýge turýshylardń qatary arta túsýde. Bul týraly búgin «Azamattar úshin Úkimet» memlekettik korporatsııasy dırektorynyń orynbasary Shoqan Ábdilmanov málim etti, dep habarlaıdy QazAqparat.
«Aǵylhan halyq legine qyzmet kórsetip úlgerý úshin bizge belgili bir ýaqyt qajet. Degenmen, protsess bastalyp ta ketti. Biz tańerteńgi 8-den bastap jáne demalys kúnderi de jumys isteı bastaǵanymyzdy eskersek te bizge júgingen adamdardyń arta túsýi baıqalady. Ýaqytsha tirkeý boıynsha elektrondy anyqtamaǵa suranys negizinen Almaty men Astana syndy úlken qalalarda baıqalady. Ózge óńirlerde mundaı dúrbeleń joq. Shymkent, Qaraǵandy jáne Pavlodarda da járdemaqyǵa baılanysty elektrondy qyzmetke suranystyń óskeni baıqalady. Qalǵan óńirlerdegi ahýal baqylaýda tur», - dedi ol.
Aıta keteıik, taıaýda ótken Úkimettiń selektorlyq rejimdegi otyrysynda Premer-Mınıstr Baqytjan Saǵyntaev el azamattaryn turǵylyqty jeri boıynsha tirkeý jáne ýaqytsha tirkeýge qatysty túsindirý jumystaryn der kezinde júrgizý kerektigin aıtty. Sonymen qatar Premer-Mınıstr onlaın rejimde ýaqytsha tirkelý qyzmetin tezdetip iske qosýdy tapsyrdy.
«Halyqty ol qyzmetti ákimniń ázirleıtini qyzyqtyrmaıdy. Ulttyq tehnologııalyq ortalyq pa, Іshki ister mınıstrligi me, onda jumysy joq. El azamattary bylaı deıdi, sizder zańdy qabyldadyńyzdar, biz sol zańǵa baǵynatyn azamattar retinde tirkeýge turýǵa keldik. Boldy. Ýaqytsha tirkeýdi engizgeni durys. Oǵan daý joq. Degenmen, osy jumysty uıymdastyrý sharalarymyz xalyqtyń kóńilinen shyqpady. Biz qaıtadan shalys bastyq. Halyqqa tikeleı qatysy bar zańdy qabyldaımyz da, onyń negizgi normalaryn durys jetkize almaımyz. Aldaǵy ýaqytta osyny eskerý kerek», - dedi Saǵyntaev.
