Ýaqytsha basqa qalada turyp jatqan qazaqstandyqtar onlaın tirkele alady

NUR-SULTAN. QazAqparat - Jumys, oqý, emdelý nemese basqa da sebepter boıynsha basqa qalaǵa kelgen azamattar turǵylyqty jeri boıynsha «elektrondyq úkimet» portalynda ýaqytsha tirkeýge ótinish bere alady. Bul jóninde «Ulttyq aqparattyq tehnologııalar» AQ baspasóz qyzmeti málimet taratty.

«1 jylǵa deıin basqa qalaǵa barǵanda portalda ýaqytsha turatyn jerge tirkele alasyz. eGov.kz ortalynda 15 mınýt ishinde tirkelýge bolady», - dep atap ótti «Ulttyq aqparattyq tehnologııalar» AQ Basqarma tóraǵasy Áset Turysov.

eGov.kz portalynda «Qazaqstan Respýblıkasy halqynyń turǵylyqty jeri boıynsha ýaqytsha tirkelýi» kórsetiletin qyzmetin alý úshin ekrannyń sol jaǵyndaǵy «Azamattyq, mıgratsııa jáne ımmıgratsııa» tarmaǵyn jáne «Halyqty tirkeý jáne tirkeý esebinen shyǵarý» sanatyn tańdaý qajet. Budan ári portalda avtorlaný jáne «Qyzmetke onlaın tapsyrys berý» batyrmasyna ótý qajet. Sodan keıin 1-den 12 aıǵa deıingi tirkeý kezeńin tańdańyz.

Ýaqytsha tirkelý kezinde turaqty tirkeý mekenjaıy ózgerissiz qalady. Demek, ýaqytsha tirkeý merzimi aıaqtalǵannan keıin portalǵa qaıta júginýdiń qajeti joq.