«Ýaqyt Tańdaýy» baıqaýynyń jeńimpazdary anyqtaldy

ASTANA. QazAqparat - Respýblıkalyq qoǵamdyq-saıası «Prezıdent jáne Halyq» gazetiniń respýblıkalyq «Ýaqyt Tańdaýy - Vybor Vremenı» agenttigimen birlesken jobasy boıynsha Táýelsizdik merekesine oraı dástúrli jyl tańdaýlary aıqyndaldy.

Jyldyń úzdik oblys ákimi atalymyna Aqtóbe oblysynyń ákimi Berdibek Saparbaev laıyq dep tanylsa, Jyldyń úzdik joǵary oqý orny atalymy rektory akademık Ǵalymqaıyr Mutanov bolyp tabylatyn ál-Farabı atyndaǵy Qazaq Ulttyq Ýnıversıtetine buıyrypty. Jyldyń úzdik kitaphanasy atalymynda Janat Seıdýmanov basqaratyn QR Ulttyq kitaphanasy jeńimpaz bolsa, Jyldyń úzdik aýdan ákimi Almaty oblysy Qarasaı aýdanynyń ákimi Mahabbat Bıgeldıevke berilgen. Jyldyń úzdik murajaıy retinde Abaıdyń «Jıdebaı-Bórili» qoryq-mýzeıi tanylyp otyr. Qoryq-mýzeı dırektory  Bolat Júnisbekov.

Jeńimpazdardyń barlyǵy el  damýyna óz salalary boıynsha aıtýly úles qosyp kele jatqan ujymdar men tulǵalar.