«Ýaqyt kapsýlasy»: Semeıde 2050 jylǵy jastarǵa joldanǵan úndeý jerge kómildi
SEMEI. QazAqparat - Semeı qalasynyń ákimi Ermak Sálimov jáne qalanyń belsendi jastary 2050 jyldyń jastaryna úndeý tastady. «Ýaqyt kapsýlasy» dep atalatyn úndeý saltanatty túrde jerge kómildi, dep habarlaıdy QazAqparat.
Metall qorapshaǵa salynǵan hattar - keleshek jastarǵa baǵyttalǵan joldaý. Ertis jaǵalaýynda saltanatty túrde jerge kómilgen «Ýaqyt kapsýlasy» 2050 jyly ashylýy kerek. 32 jyldan keıin ashylatyn kapsýlanyń ishine «Semeı tańy» gazeti jáne qaladaǵy jastar uıymdary týraly málimet, tólqujattary jáne tańbalary beınelengen jalaýshalar salynyp, qazylǵan jerge ornalastyryldy.
«Kapsýla búgingi jarqyn ister men keleshektegi isterdi salystyrýǵa múmkindik beredi. Ol 2050 jylǵa deıin qupııa kúıinde saqtalýy kerek», - dedi qala ákimi Ermak Sálimov.
