Ýaqyt sozbaı jumysqa kirisýimiz kerek — Prezıdent mektep qurylysyn jandandyrýdy tapsyrdy
ASTANA. KAZINFORM — Keıingi bes jylda Qazaqstanda 1 mıllıonnan astam oqýshyǵa arnalǵan 1120 mektep salyndy. Sonymen birge 5 myńnan astam aýyl mektebiniń materıaldyq-tehnıkalyq bazasy jańartylyp, bilim oshaqtarynda 7 myńnan astam zamanaýı pán kabıneti jabdyqtaldy. Bul týraly Memleket basshysy Qasym-Jomart Toqaev respýblıkalyq Tamyz konferentsııasynda aıtty.
— Ultymyzdyń keleshegin aıqyndaıtyn tarıhı ózgerister tabysty bolýy úshin, eń aldymen, qoǵamdyq sana jańǵyrýǵa tıis. Bul iste mártebeli mamandyq ıesi — muǵalimniń róli aıryqsha mańyzdy. Álemdi eń damyǵan tehnologııa ózgertýi múmkin. Al adamdy, onyń dúnıetanymyn ózgertý — naǵyz ustazdyń ǵana qolynan keletin is. Sondyqtan memleket bilim júıesin damytýǵa árdaıym basa nazar aýdarady, — dep atap ótti Prezıdent.
Sońǵy jeti jylda bul salaǵa bólinetin qarjy úsh ese artyp, 6,4 trıllıon teńgege jetti.
Keıingi bes jyldyń ishinde 1 mıllıonnan astam oqýshyǵa arnalǵan 1120 mektep salyndy. Bes myńnan astam aýyl mektebiniń materıaldyq-tehnıkalyq qory jańartyldy. Bilim oshaqtarynda 7 myńnan astam zamanaýı úlgidegi pán kabınetteri jasaqtaldy.
— Ózderińizge málim, eki jyl buryn meniń tikeleı tapsyrmammen «Keleshek mektepteri» jobasy bastaý aldy. Osy joba aıasynda 460 myń oqýshyǵa arnalǵan 217 mektep salyndy. Zamanaýı mektepterdiń jańa standarty paıda boldy desek, artyq bolmaıdy, — dedi Qasym-Jomart Toqaev.
Alaıda, árbir óńirde, sonyń ishinde mektepterge suranys bar aýdandarda sapaly oqý oryndarynyń qurylysy mindetti túrde jalǵasady.
— Bul — aldymyzda turǵan memlekettik mańyzǵa ıe asa ózekti mindet. Ýaqytty sozbaı jumysqa kirisýimiz kerek, kelesi jyly qurylys barysy qarqyndy bolýy qajet, — dedi Memleket basshysy.
Aıta keteıik, elordada Prezıdent Qasym-Jomart Toqaevtyń qatysýymen pedagogterdiń Tamyz konferentsııasynyń plenarlyq otyrysy ótti. Oǵan elimizdiń barlyq óńirinen 600-den astam bilim salasynyń qyzmetkerleri men eńbek ardagerleri qatysty.
Qazaqstanda 2019 jyldan beri 511 jańa aýyl mektebi salynǵan.
Elimizde aýyl men qala oqýshylary arasyndaǵy bilim alshaqtyǵy 5 balǵa qysqarǵan.
Sondaı-aq Jańa Konstıtýtsııa bilim berý salasyna jańa mindetter júktep otyr.
