Ýaqyt beldeýiniń aýysýy energııa tutynýǵa áser etpegen
ASTANA. KAZINFORM - Qazaqstannyń energetıkalyq júıesi ýaqyt beldeýiniń ózgerýine qaramastan jumystyń turaqtylyǵy men tıimdiligin kórsetedi. Jaqynda bir ýaqyt beldeýine kóshý elektr energııasyn tutyný kestesinde aıtarlyqtaı ózgeristerge ákelmedi. Bul týraly Energetıka mınıstrligi habarlady.
«Barshaǵa málim, eldegi elektr energııasyn tutyný halyqtyń kúndelikti ómir tirshiligimen tikeleı baılanysty. Eń joǵary júktemeler tańerteńgi jáne keshki saǵattarda, turmystyq tutyný deńgeıiniń jandanýyna kezinde bolady. Ýaqytty bir saǵatqa aýystyrý elektr jelisiniń qyzmetiniń buzylýyna nemese tutynýshylar úshin shekteýlerge ákelmedi.2023 jáne 2024 jylǵy qańtar-qyrkúıektegi derekterdi taldaý elektr energııasyn tutynýdyń 4% deńgeıinde turaqty ósýin kórsetedi. Bul ósim ýaqyt beldeýlerindegi ózgeristerge emes, jalpy halyqtyń jáne el ekonomıkasynyń tutynýynyń tabıǵı ósýine baılanysty.Mysaly, elimizdiń batys BEJ-niń aımaǵynda ýaqyt beldeýiniń aýyspaǵanyna qaramastan, tutyný ótken jyldyń sáıkes kezeńimen salystyrǵanda 10,4%-ǵa artqany baıqalady», — delingen mınıstrlik habarlamasynda.
Sonymen qatar elektr energııasyn biryńǵaı satyp alýshy tetigi iske qosylǵannan keıin elektr energııasynyń ımporty ulǵaıdy, óıtkeni tapshylyqty eń joǵary saǵattarda jabý maqsatynda irgeles elderden elektr energııasynyń josparly aǵyndaryn uıymdastyrý múmkindigi paıda boldy jáne jóndeý jumystarynyń josparlanǵan kezeńderine sáıkes eldiń barlyq iri elektr stantsııalaryna kúrdeli jóndeý júrgizýge múmkindik berdi.
Eske sala keteıik, 1 naýryzdan bastap Qazaqstanda ýaqyt bir saǵat artqa jyljydy.
